قصيدة لبنات الثانووووووية..فوتوا

قصيده لبنات الثانويه
احتاروا البنات يدخلون علمي والا ادبي
وكل وحده دخلت القسم اللي تبيه يا انها مع صديقاتها
واللي تبي تفتك من الرياضيات والفيزياء....
واللي تبي تفتك من التاريخ واللي تبي....واللي تبي......
وفي هالوقت قامت وحده من بنات العلمي بكتابة هالقصيده
حسبي الله على من يتسلط على المسلمين
ضعنا ونبي رايكم يالسامعين
سهرنا الليل واحنا نقول دارسين
وقلوبنا من الاسئله حافظين
حفظنا الذهب والفضه وجانا الخارصين
والفراغات مليناها كلها تخمين
ورحنا للسؤال الثاني على بالنا فاهمين
معادلات مع الاوزان عز الله ضايعين
ما عرفنا من الرموز الا الماء والاكسيجين
والا السؤال الثالث على من يعين
مساله ما نعرف لها راس من رجلين
اكتبي الصيغه الوزنيه ما حنا عارفين
والقوانين الله يستر على القوانين
تكسرت الآله من الطقطقه ما بقى الا زرين
والمصيبه مشرفتنا تصرخ يا نايمين
من زود الوناسه شايفتنا قاعدين
سلمنا الاوراق ما فيها صح الا اثنين
الاسم ورقم الفصل وعلى الباقي مشطبين
يا ناس انصفونا من الظالمين
والا ترانا اخر السنه من الراسبين
واخرتها سلامتكم يالربع والسالمين
واذا ما اشتكينا لكم نشتكي لمين
شافوها بنات الادبي فتبرعت وحده منهم وردت
من قال لكم تدخلون علمي يالمجانين
هذي هي سوات ايديكم يالفالحين
اسهروا ليلكم مع نهاركم يالشاطرين
وحنا بنشخر مع النايمين
وحفظ الادب والمكتبه ومواد الدين
على طول بنجاوب دامنا حافظين
قلنا لكم نيوتن وفيثاغورس ميتين
وجعلكم ما تصيرون بانفسكم فالحين
واخرتها الله يسلمكم يالسامعين
وان شاء الله نشوفكم مع الراسبين
عصبوا بنات العلمي وقالوا..
دايم عند الاداره يا مخبل متهاوشين
تحطون راسكم براس العلمي يالمساكين
ترى لكم الكرف والبيت وغسل المواعين
اتركوا عنا الحقد مركزنا منتوب واصلين
حنا لنا العلم والمستقبل يالمساكين
واخرها الله يسلمكم من البلاء يالمساكين
واخر السنه ان شاء الله نكون من الناجحين.